Schoolture TV

Dritare kulturore për të rinjtë

Visar Ganiu: Tingujt e Çarshisë promovuesi më i mirë i vlerave që posedojmë, por edhe i bashkëjetesës për ardhmërinë e shëndoshë të vendit tonë

Shkupi me atmosferë të zjarrtë po përjeton emocionet që po transmeton manifestimi kulturor “Tingujt e Çarshisë” për të 13-ën herë me radhë. Spektakël të vërtetë krijuan yjet e estradës sonë muzikore Dafina Zeqiri, Yll Limani, Lumi B, Tamara Todevska dhe DJ Elektron, bëhet e ditur në kumtesën e Shërbimit për Informim të Komunës së Çairit.

“Tingujt e Çarshisë janë promovuesi më i mirë i vlerave që posedojmë, por edhe i bashkëjetesës për ardhmërinë e shëndoshë të vendit tonë. Për këtë arsye, bashkë me kryetarin e Qytetit të Shkupit Petre Shilegov, drejtoreshën e Qendrës Informative Kulturore  Sermine Purrini dhe shumë sponsorë të vendit në vazhdimësi po përkujdesemi për organizimin e tij që në sheshet tona tingujt e muzikës së bukur dhe kryeveprat e kulturës të na gjallërojnë shpirtin e të na bashkojnë rreth së bukurës”, u shpreh gjatë fjalimit të tij kryetari i Komunës së Çairit Visar Ganiu.