Schoolture TV

Dritare kulturore për të rinjtë

Tetovë, ekspozitë me projekte për një qytet më të bukur dhe urban

Atë që vite me radhë nuk e bënë krerët e komunave të Tetovës, e kanë bërë këta të rinj, të cilët, edhe pse të profesioneve të ndryshme, megjithatë kanë një qëllim, si të bëjnë diçka më tepër për qytetin e tyre. Kreativitetin e tyre për një Tetovë më të bukur dhe më urbane, këta të rinj të Social Kultural Space Tetovë e prezantuan para publikut, i cili kërkoi që institucionet t`i përkrahin dhe të implementojnë këto ide të bukura.

Nismëtarja e projektit, Fjolla Saiti, thotë për Alsat se ai është punuar rreth dy muaj, ndërsa qëllimi është që të bëhet diçka pozitive për qytetin.

Fillimisht ne jemi mbledhur dhe kemi diskutuar hapësirat publike, dhe atë se çka iu mungon hapësirave publike dhe kemi vendosur t`i analizojmë 12 prej tyre dhe të vendosim se cka mund të bëjmë që këta hapësira të bëhen më pozitive për banorët e qytetit- thotë Fjolla Saiti. Nismëtare e projektit.

Njëri nga12 projektet e punuara do të bëhet nga vetë anëtarët e organizatës, Social Kultural Space Tetovë, por fillimisht do del në votim publi kdhe pastaj do të realizohet. Në ekspozitën për një Tetovë më të mirë dhe më urbane, nuk ishin përfaqësursit e komunës së Tetovës, edhe pse me kohë ishin ftuar nga drejtuesit e projektit./Alsat/