NASA është gati të lëshojë raketën e saj gjigante Artemis 1, e cila është 98 metra e gjatë dhe është më komplekse dhe më e fuqishme që ka pasur ndonjëherë agjencia hapësinore. Nisja do të bëhet nga qendra hapësinore Kennedy në Florida, SHBA rreth orës 14:30 me kohën e Maqedonisë, transmeton Portalb.mk.
Zyrtarët e NASA-s konfirmuan se të gjitha sistemet janë gati për nisje, dhe moti parashikon 80 përqind kushte të favorshme të motit për fluturimin e parë
Nëse nisja e sotme e Artemis-1 vonohet për ndonjë arsye, NASA ka caktuar 2 dhe 5 shtator si data alternative të lansimit.
“Deri më tani gjithçka në lidhje me anijen kozmike duket mirë. Jemi të emocionuar, raketa është gati dhe duket për mrekulli”, tha Jeff Spaulding, një zyrtar i lartë i NASA-s.
Artemis 1 është program fluturimi njerëzor në hapësirë i udhëhequr nga NASA që synon të kthejë misionet në Hënë që nga hera e fundit që 12 astronautë u dërguan atje si pjesë e programit Apollo gjysmë shekulli më parë. Sot është një fluturim provë që do të planifikohet pa ekuipazh.
Nëse ky test gjashtë-javor shkon mirë, astronautët mund të kthehen në Hënë pas disa vitesh, por zyrtarët e NASA-s paralajmërojnë se rreziku është i lartë dhe fluturimi mund të ndërpritet.
Me rastin e lansimit të “Artemis 1” në Shkup, në kafenenë “Kotur” organizohet manifestimi për monitorim të drejtpërdrejtë të ngritjes.
Raketa e re Artemis është më e shkurtër dhe më e hollë se raketa që dërgoi gjithsej 24 astronautë drejt Hënës gjysmë shekulli më parë. Megjithatë ajo është më e fuqishme. Versionet e saj të ardhshme që do të quhen Sistemi i Nisjes në Hapësirë, do të jenë edhe më të mëdha.
Për të plotësuar stafin për raketën Artemis, NASA do të përzgjedhë ndër 42 astronautë, të cilët do të munden të qëndrojnë në Hënë për të paktën një javë.
Objektivi është krijimi i një pranie afatgjatë në Hënë, që do të përgatisë terrenin për dërgimin e njerëzve drejt Marsit.
