Akullorja më e mirë në botë vjen nga Hungaria, pasi një juri prej 11 anëtarësh ekspertë në Kampionatin Botëror të Akullores në qytetin italian të Bolonjës i dha çmimin e parë akullores me fëstëkë të Adam Fazekas nga Budapesti.
Medaljen e argjendtë e mori Carlo Guerriero nga qyteti port spanjoll i Cadizit me akulloren e tij me ngjyra të ndezura “Cremoso al Vino Oloroso”.
Medalja e bronztë shkoi për Marco Venturino nga qyteti bregdetar verior italian i Varazzes me prezantimin e tij disi më të thjeshtë të akullores “Bocca di Rosa” (Goja e trëndafiltë).
Tridhjetë e dy prodhues ndërkombëtarë akulloresh konkurruan në këtë kampionat.
Sipas organizatorëve, ata kishin kaluar katër vjet në qindra ngjarje në mbarë botën duke u përzgjedhur nga rreth 3 500 kandidatë që u lejuan të konkurronin për titullin në Bolonjë.
