Arrihet kompromis ndërmjet Ministrisë së Arsimit dhe Shkencës dhe Unionit të Shkollave të Mesme, për materialin mësimor që duhen nxënësit ta mësojnë në provimin shtetëror. Materiali do të jetë më i thjeshtë për shkak të pandemisë. Përfaqësuesi i Unionit të Shkollave të Mesme Blendi Hodai, kërkoi që materiali i kërkuar për mësim nga nxënësit të jetë sa më i thjeshtë dhe i kapshëm.
Blendi Hodai, përfaqësues i Unionit të Shkollave të Mesme
“Kompromisi që e arritëm me Ministren e Arsimit është që materiali që është mësuar nga gjysma e dytë e vitit të tretë dhe vitit të katër të ketë pyetje më të thjeshta dhe materiali që do të përfshihen në maturën shtetërore të jetë më i thjeshtë në pjesën që ne kemi humbur për shkak të pandemisë”
Hodai gjithashtu bëri të ditur se përfaqësuesit e të gjithë shkollave të mesme kanë bërë dy kërkesa deri tek Ministria e Arsimit dhe Shkencës për zvogëlimin e numrit të lëndëve në provimin shtetëror gjegjësisht nga katër lëndë në dy lëndë, por kjo kërkesë këtë vit nuk do të realizohet, dhe kërkesa e dytë që tani më është e pranuar nga ana e Ministrisë, është që materiali i mësuar online gjatë kohës së pandemisë të mos përfshihet në maturën shtetërore.
Ai njëashtu tha se mësimi online gjatë kësaj kohe i përngjan një molle të kalbur, që nga jashtë duket e bukur për shkak të promovimit që është bërë nga qeveria dhe institucionet mësimore, por nga brenda është e kalbur, sepse sipas tij zinxhiri arsimor nuk funksionon siç duhet.
Burimi: Shenja
