Nëse qëllimi ynë është të krijojmë të rinj të cilët do të jenë të interesuar për ndryshime pozitive në mjedisin ku jetojnë dhe punojnë, atëherë gjatë edukimit duhet t’i formësojmë në atë mënyrë. Për krijimin e një shoqërie më të lirë dhe më demokratike nuk është ideal i paarritshëm. Nevojitet vetëm sistem arsimor që promovon dhe siguron respektin, tolerancën, jodhunën dhe pranimin e diversitetit, sistemin arsimor që i mëson fëmijët në multikulturalizëm dhe demokraci. Ndërsa këto janë vlerat në të cilën janë themele reforma e arsimit fillor, në bazë të cilës bazohet nga ky vit shkollor fillon në klasën e parë dhe të katërt, ndërsa me etapa vazhdon në klasat e tjera.
Këtë e theksoi ministri i Arsimit dhe Shkencës Jeton Shaqiri në konferencën e sotme të titulluar “Përfshirja e arsimit politik në sistemin arsimor”, organizuar nga Qendra Presidenciale për Arsim Politik pranë Kabinetit të Presidentit Stevo Pendarovski, ndërsa në bashkëpunim me Fondacionin Vestminster për Demokraci.
Ministri tregoi se me reformën në arsim, nëntëvjeçarja shndërrohet në sistem arsimor sipas standardeve kombëtare, që do të thotë se me përfundimin e arsimit fillor nxënësi posedon kompetenca që lidhen me njohjen dhe të kuptuarit e shoqërisë, historisë së saj dhe organizimi, për konceptet ekonomike dhe politike, strukturat dhe lëvizjet, si dhe të aftësive dhe qëndrimet që do t’i mundësojnë të sillet në mënyrë demokratike dhe të përgjegjshme dhe në të ardhmen të jetë qytetar i përgjegjshëm dhe i motivuar dhe në mënyrë aktive të merr pjesë në jetën shoqërore dhe qytetare. Gjithashtu ministri theksoi se do të ishte mirë që në klasat e larta të arsimit fillor, në klasën e shtatë, tetë dhe të nëntë, në programet mësimore të futen më shumë përmbajtje dhe t’i përkushtohen më tepër orë arsimit politik.
“Nëpërmjet këtyre nxënësi do të fitojë bazën për të analizuar dhe diskutuar në mënyrë kritike vlerat e shoqërisë civile, rolet dhe sjelljet e ndryshme të qytetarëve dhe rolin e tyre në të, do të mësojë të njohë situatat në të cilat ka shkelje të të drejtave dhe çfarë aktivitetesh duhet të ndërmerren në situata të tilla, do të dihet se çfarë është demokracia etj. “Kjo është ideja të cilën do ta diskutojmë me Byronë për Zhvillimin e Arsimit si institucion përgjegjës për zhvillimin e plan- programeve”, theksoi ministri Shaqiri.
Arsimi duhet t’i mësojë të rinjtë të veprojnë, e të mos jenë pasivë, t’i inkurajojë ata të mendojnë në mënyrë kritike dhe të sjellin konkluzione duke u bazuar në analizën e fakteve dhe më pas, siç u shpreh ministri Shaqiri, përmes procesit mësimor do të formësohen qytetarët të cilët synojnë progres, bashkëjetesë mbi parimet demokratike.
“Për këtë e domosdoshme është të pastrohen tekstet shkollore dhe të përfshihen temat që kanë munguar deri më tani, përfshirë ato që kanë të bëjnë me arsimin politik. Procesi i përgatitjes hap pas hapi të materialeve të reja mësimore, sipas plan-programeve të reja, është në rrjedhë. “Si krijues të politikave arsimore jemi të hapur për ide dhe sugjerime konstruktive”, u shpreh Shaqiri.
Ministri vuri në dukje organizatat e shoqërisë civile dhe partnerët ndërkombëtarë si faktor të rëndësishëm në krijimin e ndryshimeve, duke shtuar se Ministria është gjithmonë e gatshme të dëgjojë zërin e të rinjve, të cilëve u referohen këto reforma.
