Gjashtëmbëdhjetë studentë dhe studente nga fakultete të ndryshme krijuan zgjidhje digjitale për përmirësimin e punës së fakultetit/universitetit ku studiojnë. Zgjidhjet përfshijnë që nga avancimi i gjendjes së organizimit të studentëve e deri te lehtësimi i menaxhimit me procedurat administrative të universiteteve, njofton Radio MOF, transmeton Portalb.mk.
Zgjidhjet janë punuar gjatë hakatonit treditor studentor për krijimin e veglave digjitale, i cili u mbajt fundjavën e kaluar. Forumi Rinor Arsimor (FRA) i ka ftuar studentët që ata vetë të jenë pjesë e zgjidhjes së problemeve që ata më së shumti i shqetëson.
FRA vlerëson se digjitalizimi i shërbimeve arsimore në Maqedoninë e Veriut është proces i cili në disa sektorë, shkolla ose universitete po zvarritet edhe pse është i pashmangshëm për sot.
Duke u nisur prej këtu, studentët janë më mirë të njoftuar dhe integruar me praktikat e vjetruara të universitetet të cilat deri tani është dashur t’i digjitalizojnë.
Ekipi fitues do të ketë mundësi që veglën e tij digjitale ta prezantojë përpara përfaqësuesve të institucioneve relevante arsimore gjatë diskutimit të ardhshëm publik.
Hakatoni është zbatuar në kuadër të projektit “Aksion studentor për digjitalizimin e shërbimeve arsimore”, mbështetur nga Fondacioni Metamorfozis nëpërmjet projektit “Rritja e pjesëmarrjes qytetare në agjendën digjitale – ICEDA”, i bashkëfinancuar nga Bashkimi Evropian.
