Përveç deputetëve të partive opozitare, përkrahje për maturantët kanë dhënë edhe deputetët e BDI-së të cilët dje paralajmëruan se do ta mbështesë Unionin e Nxënësve të shkollave të Mesme në kërkesat e ndryshim ligjit për provimin shtetëror që në vend të katër lëndëve maturantët t’i nënshtrohen maturës vetëm në dy lëndë. Ndërsa, Ministrja e Arsimit dhe Shkencës, Milla Carovska, thotë se nuk ka mundësi ligjore për ndryshime, pasi që nuk kemi gjendje të jashtëzakonshme.
Milla Carovska, Ministre e Arsimit dhe Shkencës
“Nëse duan arsimin të lartë, shteti e ka për detyrë ta respektojë ligjin. Unë si Ministre e Arsimit me të vërtetë nuk mund të shoh se si nuk e kam respektuar ligjin kur nuk kemi gjendje të jashtëzakonshme, dhe as nuk kemi mundësi në seanca qeveritare të sjellim vendime të këtilla. Ligji është i qartë dhe vendimtar, dhe kjo tregon se zbatimi i maturës është kusht për regjistrimin e arsimit të lartë”
UNSHM ka më shumë se 10 ditë që e bojkoton mësimin dhe ka paralajmëruar se nuk do ta rinisin derisa të pranohet kërkesa e tyre për modifikimin e maturës shtetërore. Në ndërkohë grupi parlamentar i VMRO-së ka dorëzuar në kuvend propozim Ligj për ndryshimin dhe plotësimin e ligjit për arsim të mesëm.
Burimi: Shenja
