Vaksinimi i detyrueshëm i fëmijëve në Shkup ka rënë për mbi 30 për qind dhe sipas të dhënave rezistenca më e lartë është te vaksina MMR dhe shumë prindër nuk paraqiten për të vaksinuar fëmijët, transmeton Sitel.
Mjekët thonë se gjendja nuk është e mirë dhe se janë të mundshme epidemitë e fruthit dhe shytave, pra mund të ketë një numër të madh të fëmijëve që janë të pambrojtur nga sëmundjet që mund të kontrollohen.
– Jo vetëm në Shkup, por edhe në Gjevgjeli, Manastir, Prilep ka vaksinim të reduktuar, më së shumti për MMR. Dhe nëse MMR nuk merret, sipas kalendarit, nuk mund të jetë streptokok, nëse nuk mund të jetë streptokok, nuk mund të jetë pesëvalent dhe kjo lidhet, dhe për këtë po shkojmë në një humnerë ku do të kemi shumë fëmijë të pavaksinuar. – thotë për Sitel epidemiologu dr. Sashko Ollumçev.
Ai është koordinatori rajonal për imunizimin në jug të vendit dhe paralajmëron se punonjësit e shëndetësisë duhet të “përveshin mëngët” gjatë kësaj periudhe dhe të këshillojnë prindërit për përfitimet e vaksinave, por edhe për të treguar se ato janë të detyrueshme.
– Ne si profesionistë shëndetësorë duhet të bëjmë diçka – ende nuk kemi dalë nga kjo krizë, do të hyjmë në një tjetër. Kjo periudhë kur është qetësuar pak kovidi dhe sigurisht muajt e verës duhet t’i përdorim për fushata, sepse këtë periudhë kemi harruar vaksinimin e fëmijëve, por edhe sëmundjet kronike dhe duhet t’i përkushtohemi atyre – thotë Dr. Olumçev.
Mjekët presin një rritje të mbulimit të imunizimit, i cili duhet të jetë së paku 95 për qind për të pasur imunitet kolektiv. Në fillim të vitit 2019 u shpall epidemi e fruthit në Shkup, e disa muaj më vonë në të gjithë vendin, për shkak të numrit të madh të të infektuarve dhe të pavaksinuarve.
Portalb.mk
