Asus pritet të prezantojë së shpejti telefonin e saj të ri të lojërave – Asus ROG 5.
Disa detaje rreth këtij modeli janë shfaqur tashmë në platformën Geekbench.
Nëse duhet t’i besohet Geekbench, ai është një model me numrin rendor Asus_I005DB, transmeton Telegrafi.
Ne tashmë e dimë që ata do të kenë një procesor okta-core Qualcomm Snapdragon 888 me kohë prej 1.8 GHz, por ajo që është veçanërisht interesante është informacioni për kapacitetin e madh të RAM – deri në 18 GB.
Nëse kjo është e vërtetë, do të ishte një risi e madhe, sepse deri më tani asnjë telefon nuk ka aq shumë RAM – më së shumti që mund të gjendet është 16 GB, i disponueshëm në modelet Samsung Galaxy S11 Ultra dhe Asus ROG 3.
Gjithashtu, kapaciteti minimal i ruajtjes mund të rritet në 512 GB, nëse RAM është 18 GB.
Nga sa dimë akoma për këtë telefon (të paktën sipas informacioneve të brendshme), Asus ROG 5 do të ketë një ekran 6.78 inç, një bateri 6,000 mAh që mbështet karikimin 65W, si dhe një kamerë kryesore 64 MP.
