Në takimin e Komisionit për Sëmundje është diskutuar gjendja epidemiologjike në vend. Zëdhënësi i KSI-së, Zllate Mehmedoviq, tha se është konstatuar se edhe pse ka rritje të numrit të infektimeve, gjendja në spitalet është stabile, raporton SHENJA.
“Nuk ka rritje të numrit të personave të hospitalizuar, kjo do të thotë se kapacitetet spitalore janë të mjaftueshme që t’i pranojnë të gjithë ata që kanë nevojë”, tha Mehmedoviq, i cili tha se për momentin sektori primar e ka barrën mbi përkujdesjen e pacientëve.
Ai tha se në periudhën e ardhshme do të fillojnë me punë 5 kovid ambulanca në territorin Shkupit, qyteti i cili është më i prekur me numrin e personave me kovid.
“Me kovid ambulanta të shpërndara do të përfshihet tërë qyteti, qytetarët do të mundë të marrin edhe trajtim dhe përkujdesje që vlerësojmë se do ta lehtësojnë edhe barrën e mjekëve amë, por edhe shërbimet do t’i bëj për qytetarët më të kapshëm”, u shpreh Mehmedoviq.
Ai tha se janë të hospitalizuar në Klinikën Infektive vetëm 16 pacientë, 9 janë në ndihmë të oksigjenit.
Sipas tij, nuk do të ketë masa shtesë të cilat i rekomandon KSI.
KSI: Nuk ka masa të reja kundër KOVID-19, do formohet 5 kovid ambulanca në qytetin e Shkupit
