Pas propozimit të Komisionit për Sëmundje Infektive për shfuqizimin e të gjitha masave restriktive për parandalimin e KOVID-19, përveç mbajtjes së obligueshme të maskës në institucionet shëndetësore, barnatore, transport publik dhe shtëpi për persona të moshuar, Qeveria sot ka miratuar vendim, me të cilin i miratoi të gjitha rekomandimet e komisionit.
Mbi konstatimin e Komisionit për Sëmundje Infektive për gjendjen stabile epidemiologjike, në seancën e sotme të Qeverisë vendosëm të shfuqizojmë të gjitha masat e mbetura anti – Kovid me përjashtim vetëm të masës për: mbajtje të obligueshme të maskave mbrojtëse në shtëpitë e shëndetit, barnatore, transport publik dhe qendrat e përkujdesit ndaj personave të moshuar dhe me nevoja të veçanta”, thonë nga Qeveria.
Qeveria rekomandon zbatimin e masave kryesore të preventivës personale kundër virusit Kovid 19.
Njëkohësisht, ashtu siç theksojnë nga Ministria e Shëndetësisë, Komisioni apelon deri te qytetarët që t’i respektojnë rekomandimet për mbrojtje personale dhe higjienë, ashtu siç janë pastrimi i duarve, dezinfektimi dhe mbajtja e distancës.
Nga Komisioni për Sëmundje Infektive paraprakisht deklaruan se vaksinimi edhe më tej mbetet masa më e mirë dhe më efikase për mbrojtje të shëndetit të popullsisë. Komisioni për Sëmundje Infektive, në bazë ditore do ta ndjek gjendjen me KOVID-19 dhe sipas nevojës, do të rekomandohen masa.
Qeveria më 19 prill e ka miratuar rekomandimin e Komisionit për shfuqizimin e obligimit për posedim të certifikatës së vaksinës ose kalimit të KOVID-19 për të gjithë shtetasit e brendshëm dhe të huaj për hyrje në shtetin tonë.
