Gjatë fushatës promovuese pedagogët e Universitetit “Nënë Tereza” në Shkup vizituan shkollën e mesme të Qytetit të Shkupit “Vllado Tasevski” (PTT), duke njoftuar për së afërmi për drejtimet studimore që ofron UNT.
Duke marrë në konsideratë që shkolla e mesme “Vllado Tasevski” (PTT) është teknike fokus i veçantë iu dha dhe drejtimeve të cilët ata janë përzgjedhur profesionalisht, për të aritur më afër në tregun e punës edhe në aspektin akademik.
Pjesë e ekipit të profesorëve që vizituan maturantët, ishin edhe prorektori për shkencë dhe hulumtime Prof.Dr. Bekim Fetaji, si dhe pedagogët Zoran Trifunov, Arta Tika Bekteshi, Majlinda Axhiu, Shpëtim Rexhepi dhe Erhan Avdili.
Maturantët nga shkolla e mesme e Qytetit të Shkupit “Vllado Tasevski” (PTT) shfaqën interes për degët studimore dhe zhvilluan diskutim me ekipin e profesorëve dhe atë mbi pesë Fakultetet studimore që ofron Universiteti ynë. Maturantëve iu shpërndanë broshura me informacione lidhur me veprimtarinë e universitetit tonë.
