Shkolla për shekuj me radhë është konsideruar tempulli i dijës dhe burim i mirëqenies. Gjitha studimet tregojnë se shkolla ka ndikim të drejtpërdrejt në mirqënien e njerëzve, por një studim i dy shkenctarëve të NASA-s ka ardhur në përfundime shokuese: 98% e femijëve të moshës 5 vjecare janë gjeni në kreativitet ndërsa vetëm 2% e tyre mbesin gjeni edhe pas moshës madhore.
Ky studim i realizuar për mëse 30 vite me mbi 1 milion njerëz, vjen në përfundimin se shkolla ka ndikimin më negativ në mbytjen e kreativitetit. Kjo pasi shkolla e sotit, është po ajo e 100 viteve më parë, e ndërtuar për ti shërbyer revolucionit industrial dhe e konceptuar në të njëjtën formë si fabrika, e cila nuk i lejon nxënësit të dalin jashtë kornizave, të mendojnë, imagjinojnë dhe krijojnë.
Ndërsa përjashtim nga kjo bën sistemi finlandez i edukimit i cili është krejtësisht i bazuar në zhvillim te kreativitetit dhe zgjidhjen e problemeve komplekseve, përmes mësimit të bazuara në lojra, projekte, fenomene dhe jo lëndë e grupmosha strikte.
Burimi: lajme.al
