Ministria e Arsimit dhe Shkencës ka informuar se ka nisur shtypja e teksteve shkollore, ndërsa dorëzimi do të përfundojë në muajin nëntor. Siç njoftojnë nga ministria, përparësi në procesin e shtypjes kanë tekstet e klasave të para, të dyta, të katërta dhe të pesta, të cilat u miratuan së fundmi përmes një procesi kompleks disa mujor dhe prodhimi i tyre pasoi krijimin e programeve mësimore të reja për këto klasa, sipas planit për reforma në faza të arsimit fillor. MASH së bashku me institucionet tjera kompetente, do të vazhdojë të investojë në zhvillimin e programeve mësimore dhe teksteve të reja, sepse ky është një nga kushtet themelore për arsim cilësor, thonë nga ministria.
MASH: Fillon shtypja e teksteve shkollore, ja kur do t’i marrin nxënësit librat
