Ministrja e Arsimit dhe Shkencës, Mila Carovska deklaroi sot se 87 për qind e nxënësve i vijojnë mësimet onlajn pa ndonjë problem, ndërsa 13 për qind të tjerët janë ata që kanë problem me aksesin në internet ose kanë problem me qasje në pajisjet teknike, por që, siç tha, kapërcehet çdo ditë dhe është një problem që ne e dimë që nga momenti i parë.
“Tetëdhjetë e shtatë për qind e nxënësve i vijojnë mësimet pa ndonjë problem. Unë marr informacion çdo ditë. Nga fillimi i vitit e deri më sot, mbulimi i nxënësve me mësimdhënie onlajn është rritur për 17 për qind. Që do të thotë se po rritet çdo ditë, ndërsa ne raportojmë dhe dërgojmë komunikata se si përqindja po përmirësohet”, tha Carovska.
Duke iu përgjigjur një pyetje gazetareske, Carovska tha se nuk ka asnjë problem me kyçjen në Teams.
Nëse dhe deri kur do të ketë prani fizike të nxënësve në shkolla, Carovska tha se për këtë nuk vendos Ministria e Arsimit dhe Shkencës.
“Për këtë, kemi Komisionin për Sëmundje Infektive, i cili e përcjell situatën epidemiologjike në bazë ditore. Por jo vetëm situatën e përgjithshme epidemiologjike, por edhe situatën në shkolla. Mund të themi se shifra për dy javë nuk është në mënyrë drastike e madhe. Kemi nëntë nxënës, që janë me prani fizike dhe 13 mësues në të gjithë territorin, ku kemi 24 mijë mësimdhënës që janë në sistemin arsimor”, shpjegoi Carovska.
Sipas saj, kjo tregon se tani për tani nuk ka përhapje brenda, por kjo nuk do të thotë se nuk do të ndryshojë dhe për këtë arsye përcillet gjendja.
Ministrja Carovska tha se mësimi mund të vazhdojë onlajn për të pasur vazhdimësi në mësimdhënie dhe për të mbrojtur shëndetin publik. Ajo beson se popullata, mësuesit dhe nxënësit tanë do të mund t’i përmbahen masave të mbrojtjes kundër Kovid-19 në mënyrë që të kemi vazhdimësi në mësimdhënien në mënyrën si e kemi filluar.
Lidhur me donacionet nga shumë kompani që ndodhin në nivelin lokal, Carovska tha se në dy javët e fundit ata kanë qenë në komunikim me kryetarët e komunave për të dhuruar maska dhe pajisje IKT.
E pyetur për organizimin e orëve të zgjatura në shkolla, Carovska tha se kjoi përket nivelit lokal, duhet të jetë kudo ku kryetarët e komunave kanë përcaktuar që ka kapacitete, mundësi dhe nevoja të prindërve. Ministria e Arsimit dhe Shkencës, siç tha ai, nuk jep udhëzime, është në përputhje me popullatën lokale dhe nevojat e prindërve dhe të fëmijëve.
