Ministria e Arsimit dhe Shkencës informon se nga nesër deri më 31 dhjetor sërish mund të aplikohet për realizimin e të drejtës për subvencionim të racionit ushqimor të studentëve, në vlerë prej 2400 denarëve në muaj, për 9 muaj.
“Mund të aplikojnë të gjithë studentët të cilët i përmbushin kushtet sipas Ligjit për subvencionim të racionit për studentë, por nuk kanë arritur të aplikojnë dhe/apo ta realizojnë këtë të drejtë në afatin e parë dhe të dytë. Kjo mundësi do të jetë në dispozicion çdo muaj edhe atë nga data 20 deri më 30, gjegjësisht më datën 31 të muajit”, qëndron në kumtesën e MASH-it.
Aplikimi për racion të subvencionuar bëhet në formë elektronike, përmes portalit https://e-uslugi.mon.gov.mk/, me bashkëngjitjen e vetëm dy dokumenteve – fletëparaqitje dhe deklaratë për saktësinë e të dhënave për llogarinë personale të transksionit.
