Ky është postimi i parë në Twitter, për ta blerë atë janë ofruar 2.5 milionë dollarë

Kryetari dhe themeluesi i Twitter Jack Dorsey ka vendosur të shesë postimin e parë në Twitter, krijuar në mars 2006.

“Duke konfiguruar Twitterin tim”, lexohet në shkrimin e parë në Twitter.

Në vetëm disa minuta që kur Dorsey njoftoi në Twitter për shitjen e shkrimit të parë, ofertat kishin arritur deri në 100,000 dollarë, transmeton Telegrafi.

Në kohën e shkrimit, oferta maksimale është 2.5 milionë dollarë.

Ofertat e hershme (shumë më të vogla) zbulojnë se shkrimi ka dalë në shitje që nga dhjetori, por ‘bumi’ i vërtetë erdhi vetëm kur Dorsey e postoi atë në profilin e tij të premten.

Blerja e një shkrimit nuk do të thotë se do të transferohet në profilin e klientit. Mbetet ende në profilin origjinal të Twitter, por klienti merr një certifikatë digjitale të nënshkruar me të dhënat e shkrimit origjinal.