Schoolture TV

Dritare kulturore për të rinjtë

I riu Seldin Saliu, fiton vendin e dytë në Itali në garat ndërkombëtare për patinazh artistik

Pesëmbëdhjetë vjeçari Seldin Saliu nga fshati Trebishtë e Dibrës ka fituar vendin e dytë në garën ndërkombëtare në patinazh artistik, e cila është mbajtur në qytetin italian Merano.

Për Saliun kjo ishte paraqitja e parë për Federatën e Maqedonisë të Sporteve Rrëshqitëse.

Deri tani e ka përfaqësuar Italinë, në të cilën ka qenë kampion në rrëshqitje artistike dhe kampion evropian për kadetë.

Rrëshqitësi i ri, Seldo, ashtu siç e quajnë familjarët, trofeun e parë e ka fituar në moshën shtatë vjeçare.

Deri tani ka marrë pjesë në 44 gara në kategori të ndryshme në Itali dhe vende tjera.

Tetëmbëdhjetë herë ka marrë vendin e parë, dhjetë herë të dytin dhe pesë herë të tretin. Gjatë garave ka 11 medalje.

Në shkurt 2015 u bë kampion rajonal në Veneto. Më pas, në vitin 2017 u shpall kampion nacional, kadet në Kupën e Torinos. /Schoolture.info/