Regjisori i “Fast and Furious 10” tërhiqet nga projekti, pasojë zënka me Vin Dieselin

Regjisori Justin Lin ka hequr dorë nga filmi ardhshëm, “Fast and Furious”, për shkak të disa mosmarrëveshjeve me protagonistin dhe producentin e këtij projekti, Vin Diesel.

Lajmin e largimit nga ky projekt vetëm disa ditë pasi filluan xhirimet e tij, Lin e bëri të ditur përmes një postimi në rrjetet sociale.

“Me mbështetjen e studios ‘Universal’, kam marrë vendimin e vështirë që të tërhiqem si regjisor i filmit të dhjetë ‘Fast and Furious’. Për dhjetë vjet, ne kemi arritur t’i xhirojmë aktorët, skenat aksion dhe ndjekjet më të mira me makina të shpejta. Si fëmijë i emigrantëve aziatikë, jam krenar që kam ndihmuar në ndërtimin e projektit më divers në historinë e filmit. Unë do t’i jem përgjithmonë mirënjohës kastës së mrekullueshme të aktorëve, ekipit e studios filmike, për mbështetjen e tyre dhe që më mirëpritën në familjen e ‘Fast and Furious’”.

Regjisori i cili e ka bërë regjinë e pesë vazhdimeve në serinë e filmave aksion, po ashtu tregoi se do të vazhdojë të shërbejë si producent i filmit.

Portali “The Hollywood Reporter” ka bërë të ditur se Lin e mori këtë vendim pos një diskutimi të ashpër me Dieselin, që besohet se kishte të bënte me disa ndryshime në skenar.

Xhirimet e filmit të ardhshëm janë pezulluar përkohësisht si pasojë e largimit të Linit. Mediat e huaja raportojnë se regjisori i filmave “The Incredible Hulk” dhe “Transporter”, Louis Leterrier, do ta zëvendësojë atë në rolin e regjisorit. Ende nuk është bërë ndonjë lajmërim zyrtarë nga studio “Universal”.

Në filmin e radhës “Fast and Furious” luajnë edhe aktorë: Jason Momoa, Brie Larson, Charlize Theron dhe Cardi B, krahas yjeve të vjetër të projektit, Vin Diesel, Ludacris, Michelle Rodriguez, Nathalie Emmanuel dhe Jason Statham.

Vazhdimi i dhjetë i projektit të suksesshëm në arkat filmike planifikohet të lansohe më 19 maj të vitit të ardhshëm. /kohanet