Ministri i Arsimit dhe Shkencës, Jeton Shaqiri konsideron se plotësisht do të realizohet programi mësimor dhe plotësisht do të realizohet gjithçka që është paraparë në datat për provimin e maturës shtetërore dhe në pjesën për provimet e planifikuara të maturës.
Shaqiri, duke iu përgjigjur pyetjes së deputetes Beti Stamenkoska Trajkoska nga VMRO-DPMNE në seancën e sotme të pyetjeve të deputetëve, rikujtoi të drejtën në arsim dhe ligjet për arsimin fillor dhe arsimin e mesëm.
Ministri Shaqiri informoi se janë bërë analiza nga Sektori për Arsim Fillor, duke shpjeguar se në Ligjin për Arsimin Fillor saktë parashikohet sa ditë pune duhet të punohet në një vit shkollor, ndërsa në Ligjin për Arsim të Mesëm, siç tha, nuk është paraparë saktë sa ditë duhet të ketë një vit shkollor.
Gjysmëvjetori i dytë i vitit shkollor 2022/2023 ka filluar më 23 janar të vitit 2023, në vend më 18 janar të vitit 2023. Viti shkollor do të përfundojë më 14 në vend më 9 qershor të vitit 2023.
